ڈرپ ایریگیشن سسٹم (Drip Irrigation System)

آئیں پاکستان اور آنے والی نسلوں کیلئے کچھ اچھا کر جائیں۔مٹی کا ایک گھڑا قریباً چالیس دن تک تین سے چار فٹ کے احاطے کو تر رکھتا ہے.اس تکنیک کو ایگریکلچر کی تعلیم میں ”Clay Pot Piture Permaculture Exp“ کہا جاتا ہے۔کمہار یا مٹی کے برتنوں کی دکان سے ڈیڑھ دو سو روپے کا ایک گھڑا لے کر پانی سے بھر کر گردن تک اسکو مٹی میں برابر کردیں اور پھر گھڑے کے دائرے کے چاروں اطراف میں تین چار نیم، بکائن شیشم یا کوئی اور پودے لگا دیں۔

چالیس دن بعد گھڑا دوبارہ بھردیں۔یہ دیسی ڈرپ ایریگیشن سسٹم پودے کو اپنی ضرورت کا پانی اُس کی جڑ تک دیتا رہے گا یہاں تک کہ وہ تنا بنانے لگے۔چھ ماہ میں صرف پانچ مرتبہ گھڑے کو پانی سے بھریں۔صحراؤں میں، سڑک کنارے یا وہ جگہیں جہاں پانی کمیاب ہے یا وہ جگہ کہ جہاں آپ پودے خرید کرلگانے کی ذمہ داری تو اٹھا سکتے ہیں مگر پانی دینے کی دیکھ بھال آپ کے بس سے باہر کا کام ہے جو سب سے بڑی مصیبت ہے۔

فٹ پاتھ کنارے، صحن میں، گلی میں، محلّے میں قطاروں میں چار فٹ کے فاصلے میں پانی سے بھرے گھڑے دباتے جائیں اور پودے لگاتے جائیں۔پھر دیکھیں آپ کی یہ چھوٹی سی کاوش کس قدر بارآور ثابت ہوتی ہے۔

سرسبز پاکستان __ شاداب پاکستان
نسلِ نو پر احسان صاف ستھرا ماحول۔